Agar apko Himachal Roadways yani ki HRTC buses mein koi bhi problem hoti hai, Ya fir HRTC bus driver ya conductor apke sath koi misbehave karte hain to ap apni complaint yaha Himachal Complaints par share kar sakte hain.
Waise to ye forum ek normal user ke jariye banaya gaya hai, aur esliye banaya gaya hai kyunki jab hum Himachal Roadways mai safar karte hain toh hame kai problems ke sath apni journey ko pura karna padta hai. esme shamil hai driver aur conductor ka misbehave aur jab HRTC buses dhabbo par rukti hain to waha par khane ka price jada charge kiya jata hai.
Aur ye bat bus ke driver aur conductor bhi jante hain. lekin unhe to VIP treatment milta hai dhabbo par. To Himachal Roadways ke safar main har ek yatri ko bus driver aur conductor ki tarah dhabo main VIP treatment mile aur buses mai yatriyon ko kya kya problems ati hain esliye hamne ye forum banaya hai.
Hope so ek din ek acha aur loyal officer problems ko jarur read karega aur wo hum passengers ke hak main apni services dega. Jisme shamil hai first of all Passenger ki respect aur Dhabbo par khana.
Jaha par passengers ko khane ke liye jada pay karna padta hai aur wo bhi us khane ke liye jo hygienic nahi hota aur price bhi jada hota hai. Sath he dhabba maliko ka misbehave aur unke jo khane dene wale log unkha misbehave.
Dhabbe main jo log plate serve karte hain wo to table tak saf nahi karte, aur aisa feel hota hai ki hum pata nahi kis duniya mai agaye hain…..
Ye kuch problem hain jo har passengers ke sath ati hai. Himachal Roadways ke mantri (Himachal Roadways Transport Minister) ko en sab problems ka pata hona chaiye. Taki wo apne es himachal parivahan main kuch sudhaar kar sake….
To apko HRTC buses mein agar koi bhi problem ati hai to comment main share kare. Taki government ko bhi pata chale ki ho kya raha hai.
Jai Himachal - Dev Bhoomi Himachal
